Krümwaal

Tekst üüb Öömrang

Di Krümwaal as en waal üüb't eilun Oomram, diar faan Neebel auer Sössaarep tu Stianood lääpt.

Krümwaal, faan uasten tu waasten, uun a bääftgrünj as Sössaarep tu sen.

Beskriiwang

Di Krümwaal as 1800 m lung an ei huuger üs 2 m. Hi hää - muar of maner - det furem faan en hualwen kreis. Tu'n dial as hi auerpluuget wurden an knaap noch tu käänen, düütelk tu sen as hi tesken Sössaarep an Stianood. Bi Ualaanj woort hi faan't Stianoods klaf ufskäären. Di huk tesken Neebel an Stianood het uk "Waalaanj".

A wedenskapslidj san ei ians, huar di Krümwaal ans för uunlaanj wurden as. Hi as bi muar steeden eeben grobet wurden, oober diar as niks faan wäärs uun fünjen wurden. Woorskiinelk stamt hi ütj a wikingertidj, so aanj faan't 1. juardüüsen. Uun a madelponkt faan a waal-kreis leit Klafhuug, en huug ütj a bronsetidj. Daalang as a Krümwaal en archeoloogisk denkmool.

Ferwis efter bütjen

• LancewadPlan Amrum – Histoorisk lunskapen faan Oomram (ingelsk)
• Ferluup faan a Krümwaal bi't Öömrang Skuul
• Praehistorische Zeitschrift enkelt sidjen ütj binj 7–10, de Gruyter, Janewoore 1920
• "Hüs Krümwaal", en feerienhüs üüb Oomram

Luke uk diar

• Seenksteeden faan Neebel

Futnuuten

54.6427777777788.3625