Natsionaalpark Waas (SH)

Amrum.pngTekst üüb Öömrang


A Natsionaalpark Waas as en natsionaalpark faan Sjiisklun. Diar san trii dialen uun Schleswig-Holstian, Hamborag an Niidersaksen.

Natsionaalpark Waas
(Schleswig-Holstian)
Loftbil mä Trischen, Eidersteed an a nuurdfresk bütjensuner
Loftbil mä Trischen, Eidersteed an a nuurdfresk bütjensuner
Natsionaalpark Waas (SH) (Sjiisklun)
Paris plan pointer b jms.svg
Koordinaaten: 54° 27′ 22,7″ N, 8° 38′ 47,1″ O
Laag: Schleswig-Holstian, Sjiisklun
Naist stääd: Waasterlun, Hüsem, Tönang, Heide
Grate: 441.500 ha
Grünjlaanj: 1. Oktuuber 1985
Beschükern: 1.746.293 (2002)
Adres: Natjunaalpark Waas
Schlossgarten 1
25382 Tönning
Logo Nationalpark Schleswig-Holsteinisches Wattenmeer.svg
i3i6

LaagBewerke

 
Diar leit di natjunaalpark.


Di natsionaalpark lingt faan a däänsk grens uun't nuurden bit tu a Ialew uun't süüden a Nuurdsia-küst deel. Sodenang hiart di hialer waas trinjam a Nuurdfresk eilunen diartu.

Hi as 1985 iinracht wurden, am plaanten an diarten muar skül tu dun, man uk am a fräämenferkiar tu halpen.

Mä en grate faan 4410 km² as hi di gratst natsionaalpark uun Sjiisklun. Tau traaden san oner weeder an ään traaden fäält bi liachweeder drüg. A sjiisk natsionaalparken uun a waas hiar sant 2009 tuup mä a däänsk an a holuns waas tu't UNESCO-"weltnatüürarewdial".

HistooreBewerke

 
Protestskilt jin di natsionaalpark.


Üs di natsionaalpark iinracht wurd skul, wiar a Nuurdfresken diar goorei bliis auer. Jo wiar diar ei mä iinferstenen, dat auer a waas nü en amt uun Kiil besteme skul. Detdiar amt sat uuntesken uun Tönang.
Daalang werke a Nuurdfresken oober mä detdiar amt tuup.
Uun't juar 2008 as det natsionaalparkamt uun Tönang mä't marschenbauamt (ALR) uun Hüsem tuupslööden wurden an het daalang Landesbetrieb für Küstenschutz, Nationalpark und Meeresschutz.

LiteratuurBewerke

  • Common Wadden Sea Secretariat (CWSS) (Hrsg.): Nomination of the Dutch-German Wadden Sea as World Heritage Site. 2008 (PDF)
  • Landesamt für den Nationalpark Schleswig-Holsteinisches Wattenmeer / Landesamt für den Nationalpark Niedersächsisches Wattenmeer / Umweltbundesamt (Hrsg.): Umweltatlas Wattenmeer. Bd. 1 (Nordfriesisches und Dithmarscher Wattenmeer), Verlag Ulmer, Stuttgart, ISBN 3-8001-3492-6.

Luke uk diarBewerke

  Commonskategorii: Natsionaalpark Waas (SH) – Saamlang faan bilen of filmer
  Didiar artiikel as di 1. Febrewoore 2014 uun det list faan gud artiikler, diar det leesen luane apnimen wurden. Uun uugenblak jaft at diar 73 faan.