Moritz Momme Nissen
 Tekst üüb Öömrang
|
Moritz Momme Nissen (* 17. Febrewoore 1822 uun Stedesand; † 29. Detsember 1902 uun Sünderup) wiar en nuurdfresken köster, skuulmääster an wedenskapsmaan am't fresk spriak.
Leewent
BewerkeMoritz Momme Nissen wiar di dring faan en büür an widjloftag nai mä Friedrich Paulsen.[1] Nissen liard üüb skuulmääster uun Tondern, hed flook steeden uun Brunsbüttel, Kiil, Gammendorf üüb Fehmarn an wiar faan 1858 skuulmääster an köster uun Neebel üüb Oomram. Di prääster tu jü tidj wiar Lorenz Friedrich Mechlenburg (1799-1875),[2] hi befaadet ham uk mä't nuurdfresk spriak, fööraal mä't öömrang. Nissen liard diar uk Knut Jungbohn Clement käänen. 1865 wurd Nissen skuulmääster an köster uun Stedesand. Diar blääw'er bit hi 1888 uun pangjuun ging.[1] Diar füng hi di Königliche Hausorden von Hohenzollern.[1] För't ääler hed hi oober ei föörsuragt, so dat sin wedwüf an sin doochter uun't aaremhüs lewe skul.
Werken
BewerkeNissen hää wel det bedüüdenst werk tu't nuurdfresk spriak skeeben:[3]
- De fréske Findling, dat sen fréske Sprékkwurde önt Karhirdinge, withinge, amringe, breklinge, mourange, sellange, hatsinge, westfréske an engelske Reth, 1873-83, salew ferlaanj
- De freske Sjemstin, dachtangan uun karhiirder
- Di Makker tu di freske Sjemstin, muar dachtangen an teooterstaken
- Hengist
- Spriakwedenskapelk skraften uun Am Urds-Brunnen.[4]
- Det wichtagst werk as was sin Nordfrisisches Wörterbuch in mehreren Dialekten Nordfrislands mä muar üs 3000 hunskrewen sidjen, huar hi 40 juar bit 1899 bi werket hää. Sin skraften lei daalang uun't Nuurdfresk Wurdenbuksteed uun Kiil.
Literatüür
Bewerke- Albert Panten, Kurt Pohlmann: Moritz Momme Nissen: Ding-Jarn, Karhiird ; 17.2.1822-29.12.1902; Enge-Sande 1977
- Claas Riecken: Wörterbuch im Dornröschenschlaf: zur Entstehung und Anlage des "Nordfriesischen Wörterbuchs" von Moritz Momme Nissen; Kiel 1994
- Literatüür faan of auer Moritz Momme Nissen uun a kataloog faan't Sjiisk Natsionaalbibleteek
- (online) Moritz Momme Nissen: Nordfriesisches Wörterbuch, Digitalisiaret iarst binj
- (online) Moritz Momme Nissen: Nordfriesisches Wörterbuch, Digitalisiaret ööder binj
- (online) Moritz Momme Nissen: Nordfriesisches Wörterbuch, Digitalisiaret traad binj
Luke uk diar
Bewerke
Futnuuten
Bewerke- ↑ 1,0 1,1 1,2 Panten/Pohlmann: Moritz Momme Nissen; S. 8-12
- ↑ Öömrang Archiif: Sammlung Mechlenburg, 1999
- ↑ Thomas Steensen: Zwei Jahrhunderte nordfriesischer Literatur - ein kurzer Rück- und Ausblick. uun: Zeitschrift für Kultur- und Bildungswissenschaften. Nr. 8, Universität Flensburg, Flensburg 1999, S. 121–127
- ↑ Am Urds-Brunnen