Samoa

Tekst üüb Fering

Samoa [zaˈmo:a], amtelk de Suwereen Stoot faan Samoa (üüb Samoaans: Sāmoa [ˈsaːmoa] an Malo Saʻoloto Tutoʻatasi o Sāmoa) as en eilunstoot uun Polyneesien. At lun amfaadet de waastdial faan dön Samoa-Eilunen. Tu a nuurd leit Tokelau, tu a uast Ameerikoonsk Samoa, tu a süüd Tonga, tu a waast Wallis an Futuna an tu a nuurdwaast Tuwaalu. Det hee 195.979 lidj (2016)^[1]. At hoodsteed faan't lun as Apia.

Geografii Bewerke

At lun as dial faan Polyneesien. Det bestäänt ütj tau grat eilunen, Upolu an Savai‘i, an fjauer letj eilunen, Manono, Apolima, Fanuatapu an Namua.

Iindialing faan Ferwalting Bewerke

At lun hee elwen distrikten:

#	Nööm	Grate (km²)^[1]	Lidj (2016)^[1]
1	Aʻana	193	23.265
2	Aiga-i-le-Tai	27	5029
3	Atua	413	22.769
4	Faʻasaleleaga	266	13.566
5	Gagaʻemauga	223	7840
6	Gagaʻifomauga	365	4878
7	Palauli	523	9300
8	Satupaʻitea	127	5261
9	Tuamasaga	479	95.907
10	Vaʻa-o-Fonoti	38	1621
11	Vaisigano	178	6543

Histoore Bewerke

1900 wurd at waastdial fan dön Samoa-Eilunen en tjiisk kolonii. 1914 naam Neisialun a eilunen auer. At lun wurd 1962 suwereen.

Politiik Bewerke

At lun as en parlamentaarisk republiik. A stootsbaas as a hoodmaan faan't regiaring (üüb Samoaans: O le Ao o le Malo). A hoodmaan faan't regiaring sant 21. Jüüle 2017 as Va'aletoa Sualauvi II.

Bütjenpolitiik Bewerke

Samoa as sant 15. Deetsember 1976 lasmoot faan dön Feriand Natschuunen. Det as uk sant 1970 lasmoot faan det Commonwealth of Nations.

Luke uk diar Bewerke

Suwereen stooten uun Polyneesien: Cook-Eilunen, Nei-Sialun, Niue, Samoa, Tonga, Tuwaalu.

Kwelen Bewerke

↑ ^1,0 ^1,1 ^1,2 Samoa, citypopulation.de

[Samoa-1] 1,0 ^1,1 ^1,2 Samoa, citypopulation.de

[1]