Oseetisk spriak

Tekst üüb Öömrang

At Oseetisk spriak (aanj nööm Ирон ӕвзаг / Iron æwsag) as en Indogermaans spriak uun di twiig faan a Iraans spriaken. Diar san son 580.000 spreegern uun a Kaukasus, dialwiis uun det rüsk regiuun Nuurdoseetien-Alaanien, an dialwiis uun det georgisk regiuun Süüdoseetien.

Oseetisk
Snaaket uun	Ruslun (Nuurdoseetien), Süüdoseetien, Georgien, Türkei
Spreegern	ca. 580.000
Wedenskapelk iindialang	Indogermaans spriaken Indoiraansk spriaken Iraansk spriaken Nuurduastiraansk Oseetisk
Amtelk Stant
Amtspriak faan	Nuurdoseetien-Alaanien Süüdoseetien
Spriak-Ufkörtang
ISO 639-1:	os
ISO 639-2:	oss
ISO 639-3:	oss

Spriakwiisen

Diar san tau spriakwiisen:

• Iroonisk uun't uasten
• Digoorisk uun't waasten

Arke spriakwiis hää sin aanj skriiwwiis, diar woort daalang oober fööraal Iroonisk skrewen.

Uun Süüdoseetien woort bluas Iroonisk snaaket mä trii onerspriakwiisen: Kudaarisk, Ksaanisk an Urstuaalisk. Oseeten snaake miast uk rüsk üs naist spriak.

Skraft

Oseetisk woort daalang mä kyrilisk buksteewen skrewen. Diar san 26 konsonanten, 7 wokaalen an 2 diftongen:

А/а, Ӕ/ӕ, Б/б, В/в, Г/г, Гъ/гъ, Д/д, Дж/дж, Дз/дз, Е/е, Ё/ё, Ж/ж, З/з, И/и, Й/й, К/к, Къ/къ, Л/л, М/м, Н/н, О/о, П/п, Пъ/пъ, Р/р, С/с, Т/т, Тъ/тъ, У/у, Ф/ф, Х/х, Хъ/хъ, Ц/ц, Цъ/цъ, Ч/ч, Чъ/чъ, Ш/ш, Щ/щ, Ъ/ъ, Ы/ы, Ь/ь, Э/э, Ю/ю, Я/я.

Tidjwiis as uk det latiinsk skraft iinfeerd wurden, det hää ham oober ei trochsaat:

A/a, Æ/æ, B/b, C/c, Č/č, D/d, E/e, F/f, G/g, H/h, I/i, J/j, K/k, L/l, M/m, N/n, O/o, P/p, Q/q, R/r, S/s, Š/š, T/t, U/u, V/v, X/x, Y/y, Z/z, Ž/ž

Oner Joosef Staalin skul a Süüdoseeten det georgisk skraft uunnem, man det hää ham uk ei trochsaat.

Luke uk diar

 Commonskategorii: Oseetisk spriak – Saamlang faan bilen of filmer

 Wikipedia üüb Oseetisk