Ellin Nickelsen

Tekst üüb Öömrang

Ellin A. Nickelsen (* 15. April 1956 uun Olersem) as en fering skriiwer an skuulmääster.

Jonk Bradlep 1991

Faan Stian an Weeder 1995

Junk Koost, 2017

Leewent

Efter't abituur bi A Wik hää Ellin uun Hamborag anglistik an germanistik studiaret. Üs assistant teacher wiar't onerwais uun Ingelun an Austraalien. Bi't Friedrich Paulsen-skuul uun Naibel hää't hör naist skuulmääster-preew maaget, an hää do noch flook juaren bi't uniwersiteet faan Kerala uun Indien werket. Sant 1991 wiar Ellin üs skuulmääster uun Nuurdsjiisklun uun a gang, twaalew juar üs skuuldirekter uun Hambergen. 2016 hää't auerwakselt tu't skuuldireksioon uun Lüneburg. Sant 2022 as Ellin föörwüf faan a instituutsferian, di det Nordfriisk Instituut drait.

Ellin as at naist tooch befreid an hää en woksenen dring.

Prisen an Iarangen

• Literatuurwäädstridj faan't Ferring Stiftang
• Essay-wäädstridj faan't Deutsche Akademie für Dichtung und Sprache
• Skriiwwäädstridj Ferteel iinjsen! faan NFI an NDR

Werken

• German studies in India. Iudicium-Ferlach, München. 1990.
• Jonk Bradlep. Nordfriisk Instituut, Bräist/Bredstedt. 1991.
• "Jonk Bradlep" - Schreiben auf Friesisch: auf Friesisch schreiben? Uun: Nordfriesisches Jahrbuch 28. 1992. S. 185-194, diar S. 185.
• Faan stian an weeder, Dachtangen 1983-1994. Nordfriisk Instituut, Bräist/Bredstedt. 1995.
• De green stian. Uun: Rau uun frees - trii krimis faan Feer an Oomram. Bredstedt. 2006. Ferring-Stiftung Krimi-Preis (1. pris).
• Jonk Bradlep as för't teooter tu't Frasch auersaat an apwerket wurden faan Gary Funck, an uun Oktuuber 2017 apfeerd wurden faan „et noordfriisk teooter“, Nordseeakademie Leck.

Letj staken an dachtangen

Letj staken uun:

• Nordfriesland (bleed)
• Ferteel iinjsen!, skriiwwäädstridj faan Nordfriisk Instituut an NDR
• Noost (bleed)

Dachtangen uun:

• Nordfriesland (bleed)
• frisica nova
• Noost (bleed)
• Zwischen Eider und Wiedau
• Dachtangs – Anthologie nordfriesischer Gedichte. Ütjden faan Hark Martinen. Nordfriesischer Verein, Niebüll. 2014.

Auersaatangen

Flook staken an dachtangen san auersaat wurden iinuun't Frasch, Waastfresk, Plaatsjiisk, Sorbisk, Tschechisk, Ingelsk

Luke uk diar

• Thomas Steensen: Zwei Jahrhunderte nordfriesischer Literatur
• Jonk Bradlep komt üüb't teooter (sh:z, 25.09.2017)
• Iindrach bi Wikidata