Letlun

Tekst üüb Fering

Letlun, amtelk Republiik faan Letlun (üüb Letisk: Latvija [ˈlatvija] an Latvijas Republika) as en lun uun nuurduast faan Europa. Uun a nuurd leit Eestlun, uun a uast Ruslun, uun a süüduast Witjruslun, uun a süüd Liitauen an uun a waast at Uastsia. At lun hee 1.893.223 lidj^[1]. At hoodsteed faan't lun as Riga.

Geografii

Letlun (Lettland)

Riga

EESTLUN

LIITAUEN

UASTSIA

Saaremaa
(Eestlun)

Koord faan Letlun

10 republiik steeden an 36 gemeenden sant 2021.

Steeden

Dön tjiin gratst steeden an uk republiik steeden (republikas pilsētas) uun't lun san:

#	Steed	Lidj (2019)^[2]
1	Riga	632.614
2	Daugavpils	82.604
3	Liepāja	68.945
4	Jelgava	55.972
5	Jūrmala	49.325
6	Ventspils	34.377
7	Rēzekne	27.820
8	Ogre	23.232
9	Valmiera	23.125
10	Jēkabpils	22.076

Indialing faan Ferwalting

Letlun hee seeks statistisk regiuunen (wat ei indialing faan ferwalting san), an sant 2021 tjiin republiik steeden an 36 gemeenden.

Statistisk Regiuunen
	Regiuun	Grate (km²)	Lidj (2011)
1	Kurzeme (Kuurlun)	13.596	270.498
2	Latgale (Lettgallen)	14.550	304.032
3	Pierīga (Trinjam Riga)	10.133	371.431
4	Rīga (Riga)	304	658.640
5	Vidzeme (Livlun)	15.246	211.309
6	Zemgale (Semgallen)	10.733	254.461

Histoore

Koord faan Liiflun, Kurlun an Eestlun twesken 1585 an 1710

Iar wiar at lun uun tau regiuunen onerdiald: Liiflun, wat a nuurduast faan't lun faan't nü (an uk at süüddial faan't Eestlun faan nü) hed an Kurlun, wat a süüdwaast faan't lun faan nü hed. Uun't 13. juarhunert wurd dön tau regiuunen faan de Swäärtbrelerorden, wat lääder dial faan de Tjiisk Orden üüs de Liifluns Orden wurd, uun föl kriiger nimen. 1561 wurd a orden sekularisiaret an Liiflun an Kurlun wurd dial faan Liitauen.

1621 wurd Liiflun (saner det süüduast dial, Letgalen, wat üüs det Inflanty Prowins tup mä Kurlun dial faan Poolen-Liitauen bleew) wurd dial faan Sweeden. Liiflun wurd 1721 dial faan det Rüs Keiserrik. Inflanty wurd uun det iarst dialing faan Poolen 1772 an Kurlun uun det traad dialing faan Poolen 1795 uk dialen faan det Rüs Keiserrik.

At lun wurd uun de Iarst Wäältkrich faan 1915 faan Tjiisklun besaat. Det süüddial faan Liiflun an Kurlun slood jo 1918 tup, am at Republiik Letlun wurden. A poliitiker Kārlis Ulmanis en wichtig persuun uun't politiik faan't republiik uun detheer tidj. 17. Jüüne 1940 wurd at lun faan't Sowjetunioon besaatet. Faan 1941 tu 1944-1945 wurd at lun faan Tjiisklun besaatet. Do wurd at lun üüs det Letisk SSR weler dial faan't Sowjetunioon. Letlun wurd 1991 weler suwereen.

Luke uk diar

Kreiser faan Letlun bit 2021

Kwelen

[1] Latvia: Administrative Division, citypopulation.de

[2] Latvia: Regions, Cities and Towns, citypopulation.de

[1]

[2]