Tekst üüb Fering


Frankrik, amtelk det Fraansöösk Republiik (üüb Fraansöösk: France [fʁɑ̃s] an République française [ʁepyblik fʁɑ̃sɛːz]), as en lun uun a waast faan Euroopa. Uun a nuurduast lei Belgien an Luksemborig, uun a uast Tjiisklun, a Sweits an Itaaljen, uun a süüd det Madlunsia, Spanje an Andora an uun a waast leit at Atlantik an uun a nuurdwaast de Ingels Kanool. Bit üüb Frankrik uun Euroopa, hee't lun auersiagebiiten uun Süüdameerika (Fraansöösk Guyaana), uun det atlantisk, pasifisk an det indisk otseaanen an uk uun Antarktikaa (Adélielun). Det lun hee 64.812.052 lidj (2019)[1]. Det hoodsteed faan't lun as Pariis. Frankrik as lasmoot uun a NATO, at EU an dön Feriand Naschuunen.

Flag faan Frankrik

Geografii Bewerke

Geograafisk Laag Bewerke

Frankrik uun Euroopa (at feestlun, Korsika an letj eilunen, wat diaram lei) leit för’t miast twesken 51° an 41° (faan a nuurd tu a süüd) an 5° an 9° (faan a waast tu a uast). At lun as amanbi tausis grater üüs Tjiisklun. Det as det traadgratst lun uun Euroopa.

At lun dialt grensen mä aacht lunen. Det lingst grens (646 km) faan't lun wurt mä Spanje an det kurtst (6 km) mä Monako diald. At lun dialt uk en 556 km lung grens mä Belgien, en 525 km lung mä a Sweits, en 476 lung mä Itaalien, en 418 km lung mä Tjiisklun, en 69 km lung mä Luksemborig an en 55 km lung mä Andora. A eeg faan Frankrik as 3427 km lung.

Lunskap Bewerke

Berger Bewerke

De huuchst berig uun Frankrik as Mont Blanc (4.810 m), wat uun a süüduast faan't lun leit.

Struumer Bewerke

De lingst struum ban’t lun as de Loire, wat iin uun't Atlantik leept.

Steeden Bewerke

Dön tjiin gratst steeden uun't lun san:

# Steed Lidj (2017)[2] Koord
1 Pariis 2.187.526
2 Marseille 863.310
3 Lyon 516.092
4 Toulouse 479.553
5 Nice 340.017
6 Nantes 309.346
7 Montpellier 285.121
8 Strassburg 280.966
9 Bordeaux 254.436
10 Lille 232.787

Iindialing faan Ferwalting Bewerke

Frankrik hee 101 Departmenten (96 uun Euroopa an 5 uun't auersia).

Frankrik uun Euroopa hee sant de 1. Janewoore 2016 13 regiuunen:

# Nööm Grate (km²) Lidj (2021)[3] Hoodsteed Koord
1 Auvergne-Rhône-Alpes 69.711 8.092.598 Lyon  
2 Bourgogne-Franche-Comté 47.784 2.786.205 Dijon
3 Bretagne 27.208 3.371.297 Rennes
4 Centre-Val de Loire 39.151 2.562.431 Orléans
5 Grand Est 57.441 5.524.817 Strassburg
6 Hauts-de-France 31.806 5.977.462 Lille
7 Île-de-France 12.012 12.326.429 Pariis
8 Korsika (Corse) 8680 349.273 Ajaccio
9 Normandie 29.907 3.306.092 Rouen
10 Nouvelle-Aquitaine 84.036 6.039.767 Bordeaux
11 Oksitaanien (Occitanie) 72.724 5.985.751 Toulouse
12 Pays de la Loire 32.082 3.838.060 Nantes
13 Provence-Alpes-Côte d’Azur 31.400 5.089.661 Marseille

Guadeloupe (hoodsteed: Basse-Terre), Fransöösk Guayana (üüb Fraansöösk: Guyane; hoodsteed: Cayenne), Réunion (hoodsteed: Saint-Denis), Martinique (hoodsteed: Fort-de-France) an Mayotte (hoodsteed: Mamoudzou) san auersiaregiuunen.

Befölkring Bewerke

Det letst folksteeling uun Frankrik wiar uun't juar 2018.

Spriiken Bewerke

At amtspriik faan't lun as Fraansöösk. Öler spriiken, wat uun't lun spreegen wurd san: Frankoprowensaals (uun a süüduast), Oksitaans (uun a süüd), Katalaans (uun a süüd, nai bi't grens tu Spanje), Elsesisk an Lootringisk (uun a nuurduast), Baskisk (uun a süüdwaast), Bretoonsk (uun a nuurdwaast), Korsisk (üüb Korsika) an Fleemisk (uun a nuurd, nai bi't grens tu Belgien).

Histoore Bewerke

 
At keiserrik faan dön Franken, faan 481 ap tu 814

Frankrik wurd dial faan det Röömsk Rik uun det 1. juarhunert. Faan det 4. juarhunert ap tu det 8. juarhunert wurd Frankrik faan dön Franken nimen. De gratst köning faan dön Franken wiar Karl de Grat, diar 800 keiser wurd.

Politiik Bewerke

Frankrik as en republiik. A president faan't republiik sant 2017 as Emmanuel Macron.

Frankrik as sant 1949 lasmaat faan NATO.

Kwelen Bewerke

  1. France: Administrative Division, citypopulation.de
  2. France: Regions and Major Cities, citypopulation.de
  3. France: Administrative Division, citypopulation.de