Limpopo (Prowins)

Dediar artiikel määnt det prowins. Luke uk bi Limpopo

Tekst üüb Fering

Det Limpopo Prowins (iar Nuurd Prowins, 1995-2003, Nuurd Transvaal, 1994-1995; üüb Nuurd-Sotho: Porofense ya Limpopo) as en prowins uun de aafrikoons stoot Süüdaafrika. At prowins leit uun a nuurd faan’t lun. Det as efter de Limpopo Struum neemd. Uun a nuurd leit Simbabwe, uun a uast Mosambik, uun a süüduast det Mpumalanga Prowins, uun a süüd det Gauteng Prowins, uun a süüdwaast det Nuurdwaast an uun a nuurdwaast Botsuana. Det hee 5.404.868 lidj (2011)^[1]. At hoodsteed faan't prowins as Polokwane.

Geografii

De Süüdelk Kiarkreis gungt troch a nuurd faan't prowins. De Limpopo Struum maaget at grens faan't prowins mä Botsuana an Simbabwe. At prowins hee hög grat berger: a Waterberger, Strydpoortberger an Drakensberger uun a süüd an a Soutpansberger uun a nuurd. De subtroopisk nuurd as boskveld mä aafrikoons aapenbruadbuumer an uun a waast san för't miast greden.

Steeden

Limpopo (Prowins) (Limpopo (Provinz))

Polokwane

Koord faan det Limpopo Prowins

Dön tjiin gratst steeden uun't prowins san:

#	Steed	Lidj (2011)^[2]
1	Polokwane	227.407
2	Thohoyandou	89.427
3	Mokopane	75.516
4	Bela-Bela	44.999
5	Nkowankowa	42.859
6	Musina	42.677
7	Modimolle	41.988
8	Mankweng	41.298
9	Lebowakgomo	35.089
10	Thabazimbi	28.846

Iindialing faan Ferwalting

Koord faan a Munisipaliteeten faan det Limpopo Prowins

At prowins hee fiiw distrikt-munisipaliteeten:

Befölkring

Det letst folksteeling wiar uun't juar 2011. Efter a resultooten hee't prowins 5.404.868 lidj: 2.880.732 faan a lidj san wüfhööd an 2.524.136 san karmen^[3].

Spriiken

Ferdialing faan a Spriiken uun Limpopo (Folksteeling 2001):

Afrikaans

Ingels

Süüd-Ndebele

isiXhosa

isiZulu

Nuurd-Sotho

Sesotho

Setswana

Siswati

Tshivenda

Xitsonga

Nian spriik hee en grat taal

Efter't folksteeling uun't juar 2001, 52,1 % faan a lidj uun't prowins snaaket Nuurd-Sotho, 22,4 % Tsonga an 15,9 % Venda^[4].

Histoore

At prowins wurd 1994 üüs Nuurd Transvaal Prowins grünlaanjen, üüs det nuurddial faan det Transvaal Prowins mä dialen faan a bantustanen Venda, Gazankulu an Lebowa tuplaanjen wurd.

Politiik

Ferdialing faan a Sitsen uun't Parlament faan Limpopo sant 2019:

ANC (38)

EFF (7)

DA (3)

VF+ (1)

Det Limpopo Provincial Legislature as at parlament faan't prowins. Det weelet at kabinet an a premier-minister faan't prowins faan't partei of koalitschuun, wat dön miast lasmaaten uun't parlament hee. A premier-minister faan't prowins sant 2013 as Stanley Mathabatha faan det African National Congress (ANC). Det ANC as sant 1994 det starkst partei uun't parlament.

Dön ual premier-ministern san: Cassel Mathale (2009-2013), Sello Moloto (2004-2009), Catherine Mabuza (22-26 April 2004), Ngoako Ramathlodi (1994-2004).

Wiartskap

At prowins hed uun't juar 2016 en BIP faan 311.686 miljuunen Rand, wat 7,2 % faan't BIP faan Süüdaafrika as^[5].

Kwelen

↑ South Africa: Provinces and Major Urban Areas, citypopulation.de
↑ South Africa: Provinces and Major Urban Areas, citypopulation.de
↑ Limpopo: Province in South Africa, citypopulation.de
↑ Folksteeling faan 2001 (Resultoot üüs pdf; 624 kB) (Memento faan di 18. Mei 2012 uun't Internet Archive), s. 16.
↑ Stats SA, Provincial GDP Figures

[1] South Africa: Provinces and Major Urban Areas, citypopulation.de

[2] South Africa: Provinces and Major Urban Areas, citypopulation.de

[3] Limpopo: Province in South Africa, citypopulation.de

[4] Folksteeling faan 2001 (Resultoot üüs pdf; 624 kB) (Memento faan di 18. Mei 2012 uun't Internet Archive), s. 16.

[5] Stats SA, Provincial GDP Figures

[1]

[2]

[3]

[4]

[5]