Ekwatoriaal-Guinea

Tekst üüb Fering

Ekwatoriaal-Guinea [ɛkvatoˈri̯a:l giˈne:a], amtelk Republiik Ekwatoriaal-Guinea (üüb Spoonsk: Guinea Ecuatorial an República de Guinea Ecuatorial, üüb Fraansöösk: Guinée équatoriale an République de Guinée équatoriale, üüb Portugiisk: Guiné Equatorial an República da Guiné Equatorial) as en stoot uun a maden faan Aafrika. Uun a nuurd faan’t festlun faan’t stoot lei Kameruun, uun a süüd an uast Gabuun an uun a waast det Golf faan Guinea. Ian faan a eilunen faan’t lun, Annobón, leit 156 km tu a suud faan a Ekwaator, man dön öler eilunen leien tu a nuurd diarfaan. At lun hee 1.222.442 lidj (2015)^[1]. At hoodsteed as Malabo.

Geografii

Ekwatoriaal-Guinea (Äquatorialguinea)

Malabo

KAMERUUN

GABUUN

SÃO TOMÉ AN PRÍNCIPE

ATLANTIK

Golf faan Guinea

Bioko

Annobón

Koord faan Ekwatoriaal-Guinea

Geograafisk Laag

Ekwatoriaal-Guinea leit twesken 03° 47' an 01° 28' (faan a nuurd tu a süüd) an 5° 37' an 11° 20' (faan a waast tu a uast). At lun as tretanjsis letjer üüs Tjiisklun. At lun hee en festlun, Río Muni, tau grat eilunen, Bioko an Annobón, an föl letjer eilunen.

At lun dialt üüb at festlun grensen mä tau lunen. Det lingst grens (345 km) faan Ekwatoriaal-Guinea wurd mä Gabuun an det kurtst (183 km) mä Kameruun diald.

Lunskap

Berger

Berger uun Ekwatoriaal-Guinea san: de Pico Basilé Berig (3011 m; hi leit üüb det Bioko Eilun), de Pico Biaó Berig (2009 m), de Pico Quioveo Berig (598 m), de Pico Lago Berig (525 m), de Pico Do Fogo Berig (435 m) an de Quepuchin Berig (228 m).

Indialing faan Ferwalting

Ekwatoriaal-Guinea hee sööwen prowinsen.

	Prowins	Grate (km²)	Lidj (2015)	Hoodsteed
1	Annobón	17	5232	San Antonio de Palé
2	Bioko Norte	776	299.836	Malabo
3	Bioko Sur	1241	34.627	Luba
4	Centro Sur	9931	141.903	Evinayong
5	Kié-Ntem	3943	183.331	Ebebiyín
6	Litoral	6665	366.130	Bata
7	Wele-Nzas	5478	191.383	Mongomo